ریاض،12؍اپریل(ایس او نیوز؍ایجنسی) سعودی عرب،کویت،عرب امارات سمیت دیگر مسلم اور غیر مسلم ممالک میں رمضان المبارک کا چاند نظرآیا۔اس لئے متفقہ طورپر یہ فیصلہ لیاگیاہے کہ منگل کے روز پہلاروزہ ہوگا۔
اس سے قبل جامعہ المجمعہ کی فلکیاتی رصد گاہ کے ڈائریکٹر عبداللہ الخضیری نے توقع ظاہر کی تھی کہ اتوار کے روز تمام عرب ممالک میں رمضان مبارک کے چاند کی رؤیت مشکل ہے۔
انہوں نے باور کرایاتھا کہ اتوار کا ہلال موجود نہیں ہو گا کیوں کہ یہ غروب آفتاب سے تقریبا آدھا گھنٹہ پہلے ہی غروب ہو چکا ہو گا۔الخضیری نے واضح کیا کہ پیر کے روز رؤیتِ ہلال ہو سکے گی-